ទិដ្ឋភាពស្ដែងៗ អគ្គិភ័យឆាបឆេះអគារកម្ពស់ ៤២ ជាន់មួយនៅចិន អណ្ដាតភ្លើងសន្ធោសន្ធៅយ៉ាងរន្ធ-.ត់!
អគ្គិភ័យដ៏សន្ធោសន្ធៅមួយបានឆាបឆេះអគារដ៏ខ្ពស់សន្ធឹងមួយនៅកណ្ដាលក្រុង Changsha ប្រទេសចិន បង្កជាអណ្ដាតភ្លើងក្រហមឆ្អៅ និង ផ្សែងខ្មៅខ្មួលខ្មាញ់យ៉ាងរន្ធត់។
បើតាមការចេញផ្សាយរបស់ទូរទស្សន៍ចិន CCTV បានឱ្យដឹងថា អគ្គិភ័យនេះដែរ បានឆាបឆេះលើអគារកម្ពស់ ៤២ ជាន់ ដែលជាការិយាល័យរបស់ក្រុមហ៊ុនទូរគមនាគមន៍រដ្ឋរបស់ចិន។
ដោយឡែកក្រោយមក ខាងនាយកដ្ឋានពន្លត់អគ្គិភ័យក៏បានធ្វើការបង្ហោះលើបណ្ដាញសង្គមរបស់ពួកគេ ដោយបញ្ជាក់ថា អគ្គិភ័យឆេះអគារដ៏ខ្ពស់នោះ ត្រូវបានពន្លត់បានហើយ ប៉ុន្តែមិនទាន់បានបញ្ជាក់ថា មានអ្នករបួស ឬ ស្លាប់នៅឡើយនោះទេ៕
