សមត្ថកិច្ចឡោមព័ទ្ធចាប់បុរសជាប្ដីញៀនថ្នាំ ដែលយកកាំបិតខ្វែវ កាប់ប្រពន្ធដាច់ក្បាលនោះបានហេីយ!
ខេត្តបាត់ដំបង ៖ បុរសជាប្ដីដែលប្រើប្រាស់ គ្រឿងញៀនហួសកម្រិត រហូតខូចប្រព័ន្ធសសៃប្រសាទ បាត់បង់ម្ចាស់ការលេីខ្លួនឯង យកកាំបិតខ្វែវទៅកាប់ប្រពន្ធដាច់ក្បាលនោះ ត្រូវបានសមត្ថកិច្ចឡោមព័ទន្ធចាប់ឃាត់ខ្លួនបានហើយ នៅវេលាម៉ោង០៦:៥០នាទីព្រឹកថ្ងៃទី២១ ខែឧសភា ឆ្នាំ២០១៩ ស្ថិតក្នុងភូមិចម្ការអូរ ឃុំកន្ទឺ២ ស្រុកបាណន់ ខេត្តបាត់ដំបង។
ជនដៃដល់ឈ្មោះ យឿត រឿត អាយុ៣៣ឆ្នាំ រីឯប្រពន្ធរងគ្រោះ ឈ្មោះ ម៉ាន់ សុធាអាយុ ៣៧ឆ្នាំ រស់នៅចំណុចកើតហេតុខាងលើ។
សមត្ថកិច្ចបានឲ្យដឹងថា ជនដៃដល់ បានប្រើកាំបិតខ្វែវកាប់ប្រពន្ធដាច់ក្បាល រួចយកទៅបោះចោលខាងមុខផ្ទះក្បែរថ្នល់ ហើយត្រូវបានសមត្ថកិច្ច ឃាត់ខ្លួនបានភ្លាមៗផងដែរ។
មូលហេតុ៖ មិនទាន់ដឹងនោះទេ ដោយមកទល់ពេលនេះ ជនដៃដល់ ត្រូវបានកម្លាំងអធិការស្រុកបាណន់ កំពុងធ្វើការសាកសួរ ដើម្បីកសាងសំណុំរឿង ចាត់ការតាមផ្លូវច្បាប់៕
សូមជៀសឆ្ងាយពីគ្រឿងញៀន! គ្រឿងញៀន គឺជាសារធាតុម្យ៉ាង ដែលអាចពង្វក់អារម្មណ៍ និងស្មារតីរបស់មនុស្សស្ទើរតែ ១០០% រហូតមនុស្សមួយចំនួន ត្រូវរងគ្រោះខូចប្រព័ន្ធសសៃប្រសាទ ដោយសារវាផងដែរ ។
មិនតែប៉ុណ្ណោះ វាបានធ្វើអោយមនុស្សម្នាក់ ក្លាយទៅជាមនុស្ស២ផ្សេងគ្នា ប្រសិនបើបុគ្គលនោះប្រើប្រាស់ វាហួសកម្រិត ដូចជាក្លាយជាមនុស្សឆេវឆៅ ចូលចិត្តប្រើប្រាស់ហិង្សា ខ្វះវិចារណៈញ្ញាណ ពិសេស ខ្វះភាពម្ចាស់ការលើខ្លួនឯងទាំងស្រុងតែម្តង ដែលជាហេតុធ្វើអោយសង្គមមនុស្សត្រូវធ្លាក់ចូលក្នុងភ្លក់ភ្លើងដោយសារវា ដូច្នេះហើយ សូមបងប្អូននិយាយថា “ទេ” ចំពោះគ្រឿងញៀន ៕